२२ चैत्र, काठमाडौं । मोरङमा कुकुरको टोकाइबाट एक जनाको मृत्यु भएको हो ।

मोरङको बेलबारी नगरपालिका–१० भाउन्नेमा छाडा कुकुरले टोक्दा मोरङको मिक्लाजुङ गाउँपालिका–६ मगर टोलका अन्दाजी ६२ वर्षीय गौडे भनिने कृष्णबहादुर मगरको मृत्यु भएको हो ।मगरलाई बिहीबार बिहान ९ बजे कुकुरले टोकेको थियो ।

दायाँ खुट्टाको पिँडुलामा कुकुरले टोकेपछि उनी सडकमा ढलेका थिए । सडकबाट स्थानीयले उद्दार गरी नगर अस्पताल बेलबारी लगेका थिए ।

बेलबारीमा उपचार सम्भव नभएपछि थप उपचारका लागि विराटनगरको कोशी अस्पताल पठाइएको थियो । अस्पताल ल्याउन साथ चिकित्सकले मृत घोषित गरेका थिए ।