२३ चैत, काठमाडौं । मुकुल ढकालले सभापति रवि लामिछानेलाई बिदा गरी राष्ट्रिय स्वतन्त्र पार्टी (रास्वपा) निर्माणमा लाग्न अपिल गरेका छन् ।

उच्च अदालत तुलसीपुरको बुटवल इजलासले लामिछानेलाई थुनामा पठाउने आदेश दिएपछि ढकालले रविलाई सबै कुरा छोडेर, मुद्दा मामिलामा फोकस हुन सजिलो हुने र पार्टी पनि बन्ने दिशामा अघि बढ्ने बताएका हुन । उनले सामाजिक सञ्जालमा लेखेका छन्, ‘अतः असार १९, २०८१ मा मैले पार्टीको केन्द्रीय समितिको बैठकमा राखेको प्रस्ताव- रविको पार्टी होइन राष्ट्रिय स्वतन्त्र पार्टी बनाऔँ, यो प्रस्तावमा नआई सुख छैन । रवि दाइलाई राजनीतिबाट बिदा गरी, राष्ट्रिय स्वतन्त्र पार्टी निर्माणमा लागौँ । यसले दाइलाई पनि सबै कुरा छोडेर, मुद्दा मामिलामा फोकस हुन सजिलो हुन्छ र पार्टी पनि बन्ने दिशामा अघि बढ्छ ।’

उनले धरौटीमा छोड्दा पटक पटक यो देशमा न्याय जिउँदो छ भनेर अदालतको सम्मान गरेकाले अहिले अदालतलाई गाली गर्नुको कुनै तुक नरहेको जिकिर गरेका छन् ।