२३ चैत, काठमाडौं । बैतडीमा जीप दुर्घटना हुँदा एक जनाको मृत्यु भएको छ । भने ३ जना घाइते भएका छन् ।

देहिमाण्डौँबाट गिरेगडातर्फ गइरहेको बिएसी ५६५९ नं को बोलेरो जीप गय राति दशरथचन्द नगरपालिका-११ को नानीगाड भन्ने स्थानमा दुर्घटनामा भएको थियो । दुर्घटनामा परी पञ्चेश्वर गाउँपालिका-५ का ५४ वर्षीय चन्चले दयालको मृत्यु भएको बैतडीका प्रहरीले जनाएको छ । चन्चलेको जिल्ला अस्पतालमा उपचारको क्रममा राति नै मृत्यु भएको हो ।

यस्तै पञ्चेश्वरकै ५२ वर्षीय लालीराम कोली, जीप चालक ३५ वर्षीय राकेस कोली र दशरथचन्द नगरपालिका-१० कि ३० वर्षीया कबिता परियार घाइते भएका छन । घाइतेको जिल्ला अस्पतालमा उपचार भइरहेको छ । चालकसहित चारजना मात्रै सवार जीप अनियन्त्रित भएर दुर्घटना परेको थियो । दुर्घटनाग्रस्त जीप सडकबाट करिब ४० मिटर तल खसेको छ ।