२३ चैत, काठमाडौं । नेकपा एमाले महासचिव शंकर पोखरेलले भने रवि लामिछाने गृहमन्त्री भइसकेको व्यक्ति भएकाले पक्राउ पुर्जीको रीति र थिति थाहा रहेको बताएका छन् ।

राष्ट्रिय स्वतन्त्र पार्टी (रास्वपा) सभापति रवि लामिछानेलाई रातको समयमा घरमै पुगेर पक्राउ गरेको विषयले अहिले सरकार आलोचना भइरहेको  छ । पक्राउ पर्नुअघि रविले आफू नभाग्ने र गिरफ्तारी दिने बताएका थिए । तर एकाएक प्रहरी घरमै पुगेको कारण सरकारले किन हतार गरेको भन्ने विषय उठिरहँदा नेकपा एमाले महासचिव शंकर पोखरेलले भने यस्तो बताएका हुन् । उनले पक्राउ गर्ने विषयमा पनि सुधारको खोजी यस्तै बेला हुने सामाजिक सन्जालमार्फत उल्लेख गरेका छन ।