२३ चैत्र, काठमाडौं ।  अमेरिकी राष्ट्रपति डोनाल्ड ट्रम्पको ट्यारिफ आक्रमणले एलन मस्कसहित विश्वका शीर्ष २० धनी व्यक्तिहरूले एकै दिनमा अर्बौं रुपैयाँ गुमाएका छन् ।

ट्रम्पको यो नीतिले विश्व बजारमा ठूलो गिरावट आएको छ ।विश्वका धनीहरूको रेकर्ड ट्र्याक गर्ने वेबसाइट ब्लूमबर्ग बिलियनेयर्स इन्डेक्सको अनुसार विश्वका ५ सय धनी व्यक्तिले एकै दिनमा अर्बौं रुपैयाँ गुमाएका हुन् ।  १३ वर्षमा विश्वका शीर्ष धनीहरूले यति ठूलो नोक्सानी भोगेको यो चौंथो पटक हो ।

तथ्याङ्कअनुसार प्रत्येक धनीले औसत ३.३ प्रतिशत घाटा बेहोर्नु परेको छ ।विश्वका धनीहरूको सूचीमा परेका अर्बपतिको सम्पत्तिमा भारी गिरावट आएको छ । एलन मस्कदेखि बिल गेट्स र मुकेश अम्बानीसम्म सबैको नेटवर्थ घटेको छ । ट्रम्पका विशेष साथी एलन मस्कले सबैभन्दा बढी घाटा बेहोरेका छन्, त्यसपछि वारेन बफेट र ल्यारी एलिसन छन् ।

लगातार दोस्रो दिन उनको सम्पत्ति २४ घण्टामा १० अर्ब डलरभन्दा बढीले घटेको छ । मार्क जुकरबर्गले सबैभन्दा बढी घाटा बेहोरेका छन् । उनको सम्पत्ति ९.४४ बिलियन डलरले घटेको छ । मेटाको शेयर पहिले धेरै बढिरहेको थियो तर फेब्रुअरीको मध्यदेखि २८ प्रतिशतले गिरावट आएको छ ।

अमेजनको शेयर पनि ९ प्रतिशतले घटेको छ । यो अप्रिल २०२२ पछि पहिलो पटक भएको हो । जसका कारण जेफ बेजोसको सम्पत्ति ७.५९ बिलियन डलरले घट्यो भने टेस्लाका सीईओ मस्कलाई पनि १९.९ बिलियन डलरको नोक्सान भएको छ ।