२३ चैत्र, काठमाडौं । रास्वपाका सांसद अशोक चौधरीले सभापति रवि लामिछानेलाई थुनामा पठाउने प्रक्रिया कानुनसम्मत नभएको दाबी गरेका छन् ।

शनिबार चितवनमा आयोजित पार्टीको जनयात्रा शुभारम्भ कार्यक्रमलाई सम्बोधन गर्ने क्रममा उनले अदालतको विधि नै नपुगी पुर्जीबिना सभापति लामिछानेलाई थुनामा लगिएकोमा आपत्ति जनाए ।

‘हिजोको घटनाले दुखी पनि बनाएको छ । संयमित भएर हामी शक्तिको रुपमा परिणत गर्नेछौं । अदालतको सम्मान गर्छौं,’ चौधरीले भने, ‘तर, अदालतको आदेश विधि नपुग्दै पक्राउ पुर्जीबिना गरिने यस्तो थुनाइ कानुनी होइन ।’