२९ चैत्र, काठमाडौं । विमान अवतरण गराए लगत्तै ती एक पाइलटको मृत्यु भएको हो । एयर इन्डिया एक्सप्रेसका एक पाइलटको बुधबार मृत्यु भएको हो ।

नयाँ दिल्लीको इन्दिरा गान्धी अन्तर्राष्ट्रिय विमानस्थलमा विमान अवतरण गराएपछि अन्य औपचारिकता पूरा गरिरहेको समयमा पाइलट अरमानले असजिलो महसुस गरेका थिए ।

केही बेरमै उनी बेहोस भएर ढलेको बताइएको छ । उनलाई तत्कालै अस्पताल लगिएको भए पनि चिकित्सकले मृत घोषित गरेका थिए ।अरमानका सहकर्मीका अनुसार उनले ककपिटमै बान्ता गरेका थिए ।