२ बैशाख, काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्माले आन्दोलनरत शिक्षक अगुवासँग छलफल गरेका छन् ।

पार्टी केन्द्रीय कार्यालय सानेपानमा सोमबार साँझ महामन्त्रीद्वय थापा र शर्माले शिक्षक महासंघका पदाधिकारीलगायत अगुवाहरूसँग छलफल गरेका हुन् ।

शिक्षकहरूको मागबारे महामन्त्रीद्वयले पहलकदमी लिने गरी छलफल भएको केन्द्रीय कार्यालयले बताएको छ । गत चैत २० देखि शिक्षकहरू काठमाडौं केन्द्रित आन्दोलनमा छन्।