३ बैशाख, काठमाडौं । काठमाडौं महानगरपालिकाकी उपप्रमुख सुनिता डंगोल वर्ल्ड इकोनोमिक फोरमको योङ ग्लोबल लिडर–२०२५ मा छनोट भएकी छन्।

वर्ल्ड इकोनोमिक फोरम सुन्दर भविष्य भएका असाधारण व्यक्तिको अन्तर्राष्ट्रिय सञ्जाल हो। यसमा छनोट हुन् हजारौंले आवेदन दिए पनि सीमित व्यक्ति मात्रै छनोट हुन्छन् ।

विश्वभरीबाट संस्कृति, सम्पदा, खेल, व्यापार, समाजसेवी, राजनीतिज्ञलगायतका विभिन्न विधामा ४० वर्ष मुनिका ११६ जना छनोटमा परेका हुन् ।

यस वर्ष दक्षिण एसियाबाट ११ जना छनोट हुँदा नेपालबाट डंगोल मात्रै छनोट भएकी हुन्। राजनीति क्षेत्रबाट १९ जना छनोट हुँदा डंगोल पनि छनोटमा परेकी हुन्।