७ बैशाख, काठमाडौं ।  गाजामा इजरायली आक्रमणमा पछिल्लो ४८ घण्टामा ९० भन्दा बढीको ज्यान गएको गाजाको स्वास्थ्य मन्त्रालयले बताएको छ ।

इजरायली सेनाले हमासलाई आफ्ना बन्धकहरूलाई रिहा गर्न र निःशस्त्र बनाउन दबाब दिन आक्रमणहरू बढाएको छ। मृतकमा महिला र बालबालिकासहित रातभर मारिएका १५ जना छन् ।

दक्षिणी सहर खान युनिसमा कम्तीमा ११ जनाको मृत्यु भएको छ। तीमध्ये धेरैले मवासी क्षेत्रको एउटा टेन्टमा आश्रय लिएका थिए ।

त्यहाँ सयौं हजार विस्थापित मानिस बसिरहेको अस्पताल कर्मचारीले बताएका छन्। इजरायलले यसलाई मानवीय क्षेत्रको रूपमा तोकेको छ।