०८ बैशाख, काठमाडौं । एमाले नेता महेश बस्नेताले शिक्षा मन्त्री विद्या भट्टराईले पदबाट राजीनामा दिनुलाई उनकै कमजोरीको रुपमा चित्रण गरेका छन् ।

राजीनामा लगत्तै फेसबुकमा स्टाटस लेख्दै प्रतिक्रिया जनाएका हुन् । आन्दोलन नटुंगिनु, शिक्षक महासंघसँग वार्ता गर्न नसक्नु र त्यसको असर स्वरुप मन्त्रीको राजीनामा आउनु उनकै कमजोरीको संकेत भएको बस्नेतको भनाइ छ । बस्नेत लेख्छन्, ‘मन्त्री भएको बेला देखिनै उनको कार्य सम्पादनमा कमजोरी रहेको, कार्यशैलीप्रति जनगुनासो ब्यापक बढेकै थियो। अबको चुनौती भनेको शिक्षा क्षेत्रलाई स्थायित्व दिने, शिक्षकहरूको मागलाई सम्बोधन गर्ने र शिक्षा नीति सुधार गर्ने नेतृत्व छनोट गर्नु पर्दछ।’