३० बैशाख, काठमाडाैं । राष्ट्रिय स्वतन्त्र पार्टीकी सचेतक निशा डाँगीले जेनजी पुस्ताले विकासले गति लिने स्थिर सरकारको चाहना राखेको बताएकी छन् ।

प्रतिनिधि सभाको आजको बैठकमा बोल्दै उनले यस्तो बताएका हुन् । उनले जेनजी पुस्ताको भविष्य सुनिश्चित गर्न माग गर्दै पाका नेतृत्वहरुबाट अब देश विकास हुने आश मरिसकेको बताइन् । उनले नयाँ अनुहार र नयाँ सोचको नेतृत्व जेनजी पुस्ताले चाहेको बताइन । रोजगारी र उद्यमशिलतामा प्रोत्साहन गर्ने नीति अहिलेको आवश्यकता भएको बताए ।

उनले भने,‘यस वर्ष जेनजी पुस्ताको विषयमा धेरै छलफल भए तर ति छलफलले हाम्रो वास्तविक आवश्यकता बुझ्न सकेका छैनन् । त्यसैले म जेनजी पुस्ताको प्रतिनिधित्व गर्दै हाम्रा पुस्ताका मागहरु राख्न चाहन्छु । हामी स्थिर सरकार चाहन्छौँ, जहाँ विकासले गति लिओस् । हाम्रो भविष्य सुनिश्चित गरियोस् । हाम्रो हजुरबुबाको पालादेखिका नेताहरुबाट आशा मरिसक्यो सभामुख महोदय, म जन्मिनुअघिदेखि नै प्रधानमन्त्री बन्नुभएका नेताहरुको डेट एक्सपायर भइसक्यो । हामी नयाँ अनुहार र नयाँ सोचको नेतृत्व चाहन्छौँ । हामी रोजगारी र उद्यमशिलतामा प्रोत्साहन गर्ने नीति चाहन्छौँ । सीप विकासका तालिम चाहन्छौँ ।’

उनले आफूहरु केबल डिग्रि नभइ गुणस्तरीय शिक्षा चाहने बताउनु भयो ।