३१ बैशाख, काठमाडौं । मरेको खसी काटेर बचेको आरोपमा पोखराबाट दुई जना पक्राउ परेका छन् ।

पक्राउ पर्नेहरुमा पोखरा महानगरपालिका–१६ मा रहेको मोडेल सप्लायर्समा काम गर्ने ३८ वर्षीय मिलन गुरुङ र सोही सप्लायर्स र पोखरा लाइभ स्टोर्स एण्ड कृषि फार्मममा काम गर्ने ३२ वर्षीय राम गुरुङ छन् ।

उनीहरुलाई वडा प्रहरी कार्यालय रामबजारबाट खटिएको टोलीले पक्राउ गरेको हो । प्रहरीले मरेको खसीको ५४ किलो मासु समेत बरामद गरेको छ ।